9:32 PM
admin
തൃത്താല നിയോജകമണ്ഡലം നിയുക്ത എം.എല്.എ. വി.ടി. ബല്റാമിന് കൂറ്റനാട്ട് സ്വീകരണംനല്കി. ഡി.സി.സി. പ്രസിഡന്റ് സി.വി. ബാലചന്ദ്രന് ഉദ്ഘാടനംചെയ്തു. പഞ്ചായത്ത് യു.ഡി.എഫ്. ചെയര്മാന് ടി. സുനില്കുമാര് അധ്യക്ഷനായി. കെ.വി. മരക്കാര്, പി.ഇ. സലാം, പി.സി. ഗംഗാധരന്, ഗ്രാമപ്പഞ്ചായത്ത് പ്രസിഡന്റ് എന്. സാവത്രി, പി.വി. ഉമ്മര്മൗലവി, പി. മുഹമ്മദാലി, കെ.വി.ഹമീദ്, പി.എം. യൂസഫ്, വി. സേതുമാധവന്, എന്.വി. ബാവ എന്നിവര് സംസാരിച്ചു.
.jpg)
കോട്ടക്കാവ് ക്ഷേത്രമൈതാനിയില് പെരുമണ്ണൂര് പി.എഫ്.എ സംഘടിപ്പിച്ച സെവന്സ് ഫുട്ബോള് ടൂര്ണമെന്റില് യുണൈറ്റഡ് പാലക്കപ്പീടിക ജേതാക്കളായി. ചൈതന്യ് കൂനം മൂച്ചിയെയാണ് ഫൈനലില് അവര് പെനാല്ട്ടി ഷൂട്ടൗട്ടില് തോല്പിച്ചത്. നിശ്ചിതസമയത്ത് ഇരുടീമുകളും ഓരോ ഗോള് വീതം നേടിയിരുന്നു. സംഘര്ഷഭീതിയില് പോലീസ് കാവലിലാണ് കളി നടന്നത്. മികച്ച കളിക്കാരനായി ചൈതന്യയുടെ ദാസനും യുണൈറ്റഡിന്റെ നൗഫലും തിരഞ്ഞെടെക്കപ്പട്ടു. മികച്ച സെന്റര്ഫോര്വേഡ്, മികച്ച ഗോള് ( ഷാനവാസ്, കെ.എഫ്.സി.കൂറ്റനാട്), മികച്ച സ്റ്റോപ്പര് ബാക്ക് (സജില്,കെ.എഫ്.സി.കൂറ്റനാട്), മികച്ച വിങ് ബാക്ക് (മിറാഷ്, കെ.എഫ്.സി.കൂറ്റനാട്), അച്ചടക്കമുള്ള കളിക്കാരന് (സന്തോഷ്, കെ.എഫ്.സി.കൂറ്റനാട്) തുടങ്ങിയവയാണ് ബാക്കിയുള്ള പുരസ്കാരങ്ങള്. സമ്മാനങ്ങള് ചാലിശ്ശേരി എസ്.ഐ വിതരണം ചെയ്തു. 
