ചാലിശ്ശേരി സ്വദേശിനിയായ യുവതി പ്രസവത്തെ തുടര്ന്ന് ആസ്പത്രിയില് മരിച്ചു. ചാലിശ്ശേരി മണ്ണാരപ്പറമ്പില് താഴത്തേതില് അഷ്റഫിന്റെ ഭാര്യ സാജിത(21)യാണ് മരിച്ചത്. മെയ് 12ന് കൂറ്റനാട്ടെ മോഡേണ് ആസ്പത്രിയിലാണ് സാജിതയെ പ്രസവശുശ്രൂഷയ്ക്കായി ആദ്യം പ്രവേശിപ്പിച്ചത്. അവിടെ വച്ച് ഇരട്ടക്കുട്ടികള്ക്ക് ജന്മം നല്കി. എന്നാല് പ്രസവശേഷം യുവതിയുടെ ആരോഗ്യനില വഷളായതിനെ തുടര്ന്ന് ആസ്പത്രി അധികൃതര് തൃശ്ശൂരിലെ സ്വകാര്യ ആശുപത്രിയിലേക്ക് മാറ്റി. കൂറ്റനാട്ടെ ആസ്പത്രിയില് വച്ച് ലേബര് റൂമില് വീണതിനെത്തുടര്ന്ന് തലച്ചോറിനേറ്റ ക്ഷതമാണ് ആദ്യം അബോധാവസ്ഥയ്ക്കും പിന്നീട് മരണത്തിനുമിടയാക്കിയതെന്ന് യുവതിയുടെ ബന്ധുക്കള് ആരോപിച്ചു. സംഭവത്തെത്തുടര്ന്ന് ആശുപത്രിയ്ക്ക് പോലീസ് കാവല് ഏര്പ്പെടുത്തിയിട്ടുണ്ട്.
0 comments:
Post a Comment